حل مشكلة اختفاء بارتيشن وظهور رسالة Disk management view is not up-to-date

الحمد لله والصلاة والسلام على رسول الله .. واصلى واسلم وابارك على نبينا وحبيبنا محمد بن عبد الله وعلى آله وصحبه أجمعين وبعد ..
موضوع النهاردة خفيف جدا ً باذن الله لكن مهم جدا ً .. موضوع النهاردة عن اختفاء البارتيشن او القرص الصلب من الكمبيوتر او اللاب توب .. واحد هيقولى جربت طرق كتير ومنفعتش وطرق من الدوس وطريقة الـ Diskpart ومنجحتش هقوله موضوع النهارد بيتخطى كل دا باذن الله ومجربه شخصيا ً وظهر البارتيشن ولله الحمد .. وبالمناسبة طريقة الـ Diskpart دى طرحها موظف مايكروسوفت ولم تنجح ..
ملاحظة : طريقة الـ diskpart لن تنجح الا فى حالة انك تستطيع من الـ Disk storage انك تعمل كلك يمين على البارتيشن بداخلها وتقدر تغير الـ Lettre
 ودا مش موضوعنا النهاردة .. موضوعنا النهاردة بيعالج عدم امكانية اظهار البارتيشن سواء عن طريق الـ diskpart او غيره من الطرق الاخرى التى لم تنجح.. يعنى تيجى تغير الـ assign للبارتيشن تطلعلك رسالة خطا زى الى فى الصورة

The operation failed to complete because the disk managment console view is not up-to-date.Refresh task . if the prolem presist close the disk management console , then restart disk management or restart the computer.

طيب ايه سبب المشكلة ؟ سبب المشكلة هو انك عملت اجراء خاطئ ببرامج تقسيم الهارد او اصلاحه زى البارتيشن ماجيك وما شابه ذلك .. او ان عندك باد سيكتور على الهارد سببلك المشكلة دى ..

نيجى بقى لحل المشكلة دى باذن الله ..

اولا نحمل برنامج Partition wizard home edition من هنا .. نفتح الرابط وندوس على كلمة Download عادى وهيحمل

http://download.cnet.com/MiniTool-Partition-Wizard-Free/3000-2094_4-10962200.html

بعد ما يحمل نسطبه عادى زى  اى برنامج .. بعدين نفتح البرنامج عادى هتظهر البارتيشنات وهتظهر مساحة البارتيشن المختفى وفى بعض الاحيان بتبقى مش واخدة حرف يعنى مش واخدة D او  E او F او ايا كان الاسم المسبق ليها
كل الى هنعمله كليك يمين على المساحة دى او البارتيشن الى مختفى من ماى كمبيوتر هتظهر قايمة نختار منها Modify
هتظهر قائمة تانى نختار منها Hide Partition ..  بعدين نرجع نعمل كلك يمين تانى على نفس المساحة المختفية دى ونختار Modify تانى هتظهر القائمة نختار منها Unhide prtition .. بعدين فى البرنامج من تحت خالص على الشمال فيه علامة صح بالاخضر الى هى Apply ندوس عليها .. بعدين الجهاز هيرستر كذا مرة وبعدها ان شاء الله البارتيشن هيظهر ..

ملآحظة : طبعا الطريقة تمشى على اى نظام تشغيل WIN7 , VISTA , XP , WIN8 , WIN9 ,WIN10  سورى على الاطالة .. ومحطيتش صور لان الموضوع بسيط جدا ومش محتاج توضيح اكتر ..

اى استفسار ..

خدمة خآصة للشبآب والبنآت دآخل مصر .. لو بتدور على شغل املأ الاستمارة الى فى الرابط دا
https://goo.gl/forms/wsqsHBt2rsKffDLY2 
ببياناتك وهتواصل معاك فى ايجاد وظيفة بشركات الاتصال وشركات تانية بمرتبات كويسة طبعا دا غير الزيادات والعمولات والترقيات الى بعد كدة .. او كلمنى مباشرة على الفيس او الواتس الى فى نهاية الموضوع لو مش حابب تملأ الاستمارة بس يفضل انك تملأ الاستمارة ..
ملاحظة : الخدمة مجانية ومش شركات توظيف ولا حاجة وانا مش صاحب شغل بس قدمت فى الشركات دى قبل كدة وعارف انهم عايزين ناس شباب وبنات يشتغلوا ودى مجرد مساعدة مش أكتر .. بالتوفييق للجميع
  حسابى الشخصى على فيس بوك :

https://www.facebook.com/miller.smith.3551

صفحة المدونة على فيس بوك :

https://www.facebook.com/arab.sec1

Whatsapp داخل وخارج مصر  :

00201017238326
00201113234340

فى أمآن الله ~