عمل بوت للفلاشة Create bootable flash memory

بسم الله الرحمن الرحيم 

موضوع اليوم شرح كيفية عمل الفلاشة بووت bootable لتنصيب الويندوز منها . وجعل الفلاشة بوت يعنى انك تحرق عليها نسخة الويندوز وتقدر تسطب منها بدل الاسطوانات الى اخطاءها كترت .

طيب اولا نحمل البرنامج من الرابط ده 

http://adf.ly/4848404/refusu

بعد دخول الموقع هتلاقى 3 خيارات للتحميل 

Refusu دا البرنامج بيحتاج تسطيب 
refusu portable دا البرنامج بس مبيحتاجش تسطيب بيشتغل على طول ان شاء الله 
other versions دا لو كنت عايز تحمل اصدارات قديمة من البرنامج 

عموما اختار الى يعجبك بس يفضل انك تختار الى فى النص .. 

بعد ما تفتح البرنامج تتاكد انك موصل الفلاشة باللاب او الكمبيوتر .

وبتتاكد انها قرأت هتلاقى اسمها ظهر فى اول مستطيل فوق من البرنامج وحجمها كذلك 

بعدين تختار الفورمات FAT32 او NTFS عادى كله محصل بعضه الفروق بسيطة جدا بينهم ومش هتأثر 

هنلاقى تحت علامة اسطوانة صغيرة على اليمين ندوس عليها هتفتاح نافذه نختار منها نسخة الويندوز الى عايزين نحرقها ولازم تكون بصيغة ISO بعدين ندوس START هتطلع رسالة تحذيرية بانه هيفرمت الفلاشة ندوس OK هيبدأ يفرمت وينسخ ملفات النسخة 
ولما يخلص ندوس DONE او CLOSE وكدة الفلاشة بقت BOOT وتقدر تسطب منها عادى زى الاسطوانة .

ملحوظة :: * لازم الانتي فايرس يكون مطفى لان نسخ ملفات سيستيم بيعتبره الانتى فايرس عمليه خطرة . فبيكنسلها .
             * البرنامج بيحرق كل نسخ الويندوز اكس بى فيستا سفن ايت تين لينكس .. الخ 
             * طبعا تقدر ترجع مساحة الفلاشة عادى تفرمتها عادى جدا .. يعنى الفلاشة مفيش اى خطر عليها باذن الله زى ما
                الناس بتقول وانها هتتحرق والكلام دا . 

انتهى الشرح .. 

تم بحمد الله 

اى استفسار ..

  حسابى الشخصى على فيس بوك :
   
https://www.facebook.com/miller.smith.3551  

صفحة المدونة على فيس بوك :
https://www.facebook.com/arab.sec1

Whats app + calls : 00201017238326  
Calls : 00201113234340
 داخل وخارج مصر ~
فى أمآن الله ~